Patakaran sa Pagkapribado ng Website ng County ng Santa Clara

English | 中文 | Español | Tiếng Việt | Tagalog

1. Panimula

Mga Pangunahing Punto: Ang County ng Santa Clara ay sineseryoso ang iyong pagkapribado, kabilang na kapag bumisita ka sa mga website ng County.

Salamat sa pagbisita sa mga website ng County at sa pagbabasa nitong Patakaran sa Pagkapribado (“Patakaran”). Para sa mga layunin ng Patakaran na ito, ang ibig sabihin ng "mga website ng county" ay ang lahat ng sumusunod:

mga webpage sa SantaClaraCounty.gov domain (halimbawa, [DepartmentName].SantaClaraCounty.gov);
mga webpage sa sccgov.org domain (halimbawa, [DepartmentName].sccgov.org);
mga webpage sa scvh.org domain (halimbawa, [DepartmentName].scvh.org); at
mga webpage sa valleyhealthplan.org domain.

Kabilang sa mga Patakaran na ito ang mga paliwanag sa:

Anong impormasyon ang aming kinokolekta
Anong impormasyon ang sinang-ayunan mong boluntaryong ibahagi sa amin
Bakit namin kinokolekta ang impormasyon na ito
Paano namin ibinabahagi at isinisiwalat ang iyong impormasyon

2. Impormasyon na Aming Kinokolekta at Iyong Ibinabahagi

2.1 Impormasyon na Aming Kinokolekta

Mga Pangunahing Punto: Kami ay kumukolekta ng maraming kategorya ng impormasyon, kabilang ang IP address, petsa at oras ng pagbisita, at kung aling mga webpage ang iyong binisita sa mga website ng County.

Ang mga kompanya ng website analytics ay maaari rin na gamitin ang impormasyon na ito, karaniwang pinagsasama-sama, upang alamin, halimbawa, kung alin na mga webpage ang nakakakuha ng pinakamarami o pinakamababang traffic.

Kapag nag-access ka ng mga website ng County, kami ay kumukolekta ng maraming kategorya ng impormasyon, kabilang ang mga sumusunod:

Ang iyong Internet Protocol (IP) address (isang natatanging hanay ng mga numero at/o mga titik na karaniwang tumutukoy sa network kung saan ang mga device ay nag-aaccess ng internet)
Ang referring address, kung mayroon (ito ang magsasabi sa amin ng address ng website na iyong ginamit upang makapunta sa mga website ng County)
Ang laki at resolution ng iyong monitor at ang laki ng browser window
Ang uri ng browser (halimbawa, Firefox, Edge, Chrome) na ginamit upang i-access ang mga website ng County
Ang operating system (halimbawa, Windows, Mac OS, Unix) na ginamit upang i-access ang mga website ng County
Ang lungsod kung saan nagmula ang iyong IP address
Ang petsa at oras ng iyong pagbisita, at ang kabuuang oras na iyong inilaan sa mga website ng County
Ang oras na iyong inilaan sa bawat webpage at ano ang pagkakasunud-sunod ng mga webpage na iyong binisita
Ang mga panloob na link na iyong na-click

Ibinibigay namin ang impormasyon na ito sa mga kompanya ng website analytics. Ang mga kompanya na ito ay karaniwang pinagsasama-sama ang impormasyon at ipinapakita sa isang format na hinahayaan tayo na mabilis na malaman kung ilang mga tao ang bumibisita sa mga website ng County, aling mga webpage ang pinakasikat, at iba pang katulad na impormasyon. Para sa mga departamento ng County ng Santa Clara Health System na HIPAA Covered Entity (halimbawa, Santa Clara Valley Medical Center Hospital and Clinics, O’Connor Hospital, St. Louise Regional Hospital, the Behavioral Health Services Department, Custody Health Services, Valley Health Plan, at ilang bahagi ng Public Health Department), ang impormasyon tungkol sa IP address ay ginagawang pribado bago ito ibahagi sa mga kompanya ng analytics, at ang pagbabahagi na ito ay protektado ng isang business associate agreement.

2.1.1 Mga Paraan ng Pagkolekta ng Impormasyon

Mga Pangunahing Punto: Kami ay gumagamit ng ilang mga teknolohiya upang mangolekta ng impormasyon na may kaugnayan sa mga pagbisita sa mga website ng County. Ang iba pang mga third-party na serbisyo ay maaari ring gawin ito.

Nakukuha namin ang ilan sa impormasyon na inilarawan sa Section 2.1 sa pamamagitan ng paggamit ng mga teknolohiya tulad ng cookies at tags. Ang mga teknolohiya na ito ay nagpapahintulot sa amin na magbigay ng kapaki-pakinabang na paggana ng website at upang maunawaan kung paano ka gumagamit ng mga website ng County.

Para sa mga website ng County maliban sa mga departamento ng County ng Santa Clara Health System na Covered Entity, tulad ng pagkakasabi sa Section 2.1, nag-embed din kami ng ilang nilalaman sa mga website ng County gamit ang mga third-party na web widgets at mga serbisyo, tulad ng YouTube. Ang mga third party na ito ay maaari ring maglagay ng kanilang sariling cookies at katulad na mga teknolohiya para sa layunin ng pagpapagana at pagkolekta ng impormasyon. Sila rin ay maaaring mayroong sariling mga patakaran sa pagkapribado, seguridad, mga tuntunin ng serbisyo, at pagiging accessible na naaangkop sa mga feature na kanilang binibigay. Para sa higit pang impormasyon tungkol sa mga third-party na mga serbisyo at kanilang mga patakaran, mangyaring bisitahin ang kanilang mga website.

2.1.2 Bakit Namin Kinokolekta ang Impormasyon na Ito

Mga Pangunahing Punto: Karaniwan namin na ginagamit ang impormasyon na ito upang makatulong na maunawaan kung paano ginagamit ng mga user ang mga website ng County, panatilihin ang kapaki-pakinabang na paggana ng mga website, at pagbutihin ang karanasan ng gumagamit.

Kinokolekta namin ang impormasyon na inilarawan sa Section 2.1 upang maunawaan kung paano ginagamit ng mga user ang mga website ng County at upang isulong ang kapaki-pakinabang na paggana ng website. Halimbawa, ang cookies at katulad na mga teknolohiya ay maaaring magsabi sa amin ng bilang ng mga bisita na natatanggap ng website, kung at gaano kadalas ang mga indibidwal ay bumabalik, at ano ang kanilang hinahanap kapag sila ay nag-access. Ito ay nakakatulong sa amin na maintindihan kung ano ang hinahanap ng mga tao, aling mga webpage ang higit na kapaki-pakinabang, at iba pang katulad na impormasyon na maaari naming magamit upang mapabuti ang karanasan sa pagbisita sa mga website ng County.

2.2 Impormasyon na Sinang-ayunan Mong Boluntaryong Ibahagi

Mga Mahahalagang Punto: Maaari mong piliin na magbahagi ng iba pang mga uri ng impormasyon, sa pamamagitan halimbawa ng pagsasagot ng mga form o pagbabayad para sa mga serbisyo ng County.

Sa pamamagitan ng pag-access sa mga website ng County, sinasang-ayunan mong boluntaryong magbahagi ng ilang impormasyon sa amin. Halimbawa, maaari mong ibigay ang impormasyon ng credit card o bangko kapag nagbabayad ka ng iyong mga buwis sa ari-arian; o ang iyong pangalan at impormasyon sa pakikipag-ugnayan kapag nag-book ka ng campsite; o ang iyong pangalan, email, at address upang makatanggap ng isang newsletter o iba pang sulat at mga pakikipag-ugnayan.

2.2.1 Mga Kategorya ng Impormasyon

Mga Pangunahing Punto: Kabilang sa impormasyon na ito ang mga email address at mga detalye ng pagbayad, at iba pang mga kategorya.

Depende sa transaksiyon o hiniling na serbisyo, ang mga kategorya ng impormasyon na maaari mong boluntaryong sang-ayunan na ibahagi ay maaaring kabilang ang, ngunit hindi limitado sa:

Iyong email address at mga nilalaman ng email
Pinansiyal na impormasyon, tulad ng mga credit card o bank account number (halimbawa, upang magproseso ng mga bayad sa mga serbisyo ng County)
Mga detalye ng social services, tulad ng paghahanap ng impormasyon sa pagiging foster parent
Impormasyon sa pampublikong kaligtasan, tulad ng pagbabayad ng parking ticket
Iba pang impormasyon na maaaring makolekta sa pamamagitan ng online form

2.2.2 Bakit Namin Hinihiling Sa Iyo na Ibahagi ang Impormasyon na Ito

Mga Pangunahing Punto: Ang impormasyon na ito na mula sa iyo ay nagbibigay-daan sa amin na makumpleto ang iyong mga kahilingan sa online at mga transaksiyon nang mas mahusay.

Ang impormasyon na ito na mula sa iyo ay ginagamit upang matupad ang layunin para sa pagbibigay ng impormasyon, tulad ng pagkumpleto ng iyong transaksiyon o pagpapadala ng mga kahilingan sa naaangkop na departamento.

3. Ang Ginagawa Namin sa Impormasyon na Sinang-ayunan Mong Boluntaryong Ibahagi

3.1 Pangkalahatang Prinsipyo

Mga Pangunahing Punto: Bilang pangkalahatang prinsipyo, ang iyong impormasyon ay hindi lalabas ng County maliban kung kinakailangan at pinahintulutan ng batas.

Hindi namin ibabahagi, ibebenta, o kaya isisiwalat ang impormasyon na sinang-ayunan mong boluntaryong ibahagi habang ina-access ang mga website ng County sa third parties (ibang tao), maliban kung kinakailangan at pinahintulutan ng batas, o kung saan nagbigay ka ng pahintulot na kumpletuhin ang isang transaksiyon na iyong pinayagan, o upang magbigay ng mga serbisyo na iyong hiniling. Halimbawa, maaari naming ibahagi ang impormasyon sa mga departamento ng County at iba pang mga ahensiya ng gobyerno kung kinakailangan upang magbigay ng mga serbisyo sa iyo at kung pinahintulutan ng batas.

3.2 Mga Tagapagbigay ng Serbisyo

Mga Pangunahing Punto: Maaari naming ibahagi ang iyong impormasyon sa aming mga awtorisadong tagapagbigay ng serbisyo kung kinakailangan upang mapabuti ang mga website ng County at upang magbigay ng mga serbisyo sa iyo.

Nakikipag-ugnayan kami sa mga awtorisadong tagapagbigay ng serbisyo upang mapabuti ang mga website ng County at upang magbigay ng mga serbisyo sa iyo, kabilang ang para sa analytics ng website (tulad ng sinabi sa itaas sa Section 2.1) at pagproseso ng bayad sa credit card. Upang itong mga tagapagbigay ng serbisyo ay makapagbigay ng naaangkop na mga serbisyo, maaari kaming magbahagi ng impormasyon sa kanila na may kaugnayan sa iyong pagbisita sa website ng County.

3.3. Batas sa Mga Pampublikong Rekord

Mga Pangunahing Punto: Ang impormasyon na nakolekta at ibinahagi sa pamamagitan ng website ng County ay maaaring sumailalim sa isang paghiling ng mga pampublikong rekord sa ilalim ng California Public Records Act.

Ang California Public Records Act (Government Code Section 7920.000 et seq.) ay umiiral upang matiyak na bukas ang gobyerno at ang publiko ay mayroong karapatan na magkaroon ng access sa mga rekord at impormasyon na pagmamay-ari ng gobyerno, maliban kung mayroong hindi napapaloob o hindi saklaw sa pederal o estadong batas. Ang impormasyong nakolekta at ibinahagi sa pamamagitan ng website ng County ay maaaring mapailalim sa pampublikong access maliban kung ito ay hindi sakop o saklaw ng batas. Ang ilan sa mga hindi sakop o hindi saklaw na ito ay nakakatulong sa pagpapanatili ng pagkapribado ng mga indibidwal. Kung magkaroon ng salungat sa pagitan ng Patakaran sa Pagkapribado na ito at ng California Public Records Act o iba pang batas na namamahala sa pagsisiwalat o pagprotekta ng impormasyon at mga rekord, ang naaangkop na batas ang mangingibabaw.

3.4 Seguridad ng Impormasyon

Mga Pangunahing Punto: Pinoprotektahan namin ang iyong impormasyon gamit ang mga nakabatay sa NIST na pamantayan sa cybersecurity.

Kami ay naglalapat ng mga kontrol at proteksiyon sa seguridad na binuo ng National Institute of Standards and Technology (NIST) upang matiyak na ang pagiging kumpidensiyal, kakayahang magamit, at integridad ng mga sistema at datos ay mapapanatili sa lahat ng oras. Ang mga kontrol at proteksiyon na ito ay karagdagan sa anuman na ilalapat ng County Information Security Office sa isang departamento ng County na batay sa umiiral na mga legal na kinakailangan (tulad ng mga kinakailangan na may kaugnayan sa protektadong impormasyon sa kalusugan) o mga patakaran.

4. Ang Patakaran na Ito ay Hindi Sumasaklaw sa Mga Non-County Website

Mga Pangunahing Punto: Kung pupunta ka sa isang non-County website mula sa mga website ng County, ang patakaran sa pagkapribado ng patutunguhang website ay malalapat.

Ang mga website ng County ay naglalaman ng mga link sa mga non-County website. Ang mga non-County website na ito ay wala sa aming kontrol at maaaring hindi sumunod o maging katulad sa mga patakaran sa pagkapribado, seguridad, o accessibility ng County. Sa oras na nag-link ka sa isang non-County website, ikaw ay napapailalim sa mga patakaran ng patutunguhang website na iyon, at dapat kang makipag-ugnayan sa may-ari o operator ng patutunguhang website na iyon kung mayroon kang mga katanungan o mga alalahanin. Para sa higit pang impormasyon, mangyaring tingnan ang Links Policy ng County.

5. Mga Pagbabago sa Patakaran na Ito

Mga Pangunahing Punto: Ang patakaran na ito ay maaaring baguhin paminsan-minsan. Ang isang maikling buod ng mga nakaraang pagbabago ay makikita sa ibaba.

Maaari naming baguhin ang Patakaran na ito paminsan-minsan. Kung sakaling magkaroon ng malalaking pagbabago, kami ay magbibigay ng maikling buod ng mga pagbabago na iyon sa talahanayan sa ibaba upang masubaybayan mo ang mga pagbabago sa pagitan ng pinakabagong version at naunang version.

Version	Nilalaman	Katayuan o Mga Komento
V1.0	Naunang version ng Patakaran sa Pagkapribado na Impormasyon sa Website ng Santa Clara County	Huling na-update noong Hunyo 2016.
V2.0	Binago at na-update	Natapos noong Nobyembre 2019 (Ang mga pagbabago ay nakatuon sa paglilinaw sa mga kasanayan sa pangongolekta ng datos at pagpapabuti ng pagiging madaling mabasa).
V3.0	Binago at na-update	Natapos noong Disyembre 2021 (Na-update upang maglagay ng mga bagong kumbensiyon sa pagpapangalan ng sub-domain, nilinaw ang wika sa mga teknolohiya sa pangongolekta ng impormasyon, at iba pang pangkalahatang pagbabago).
V4.0	Na-update	Na-update noong Mayo 2023 (Na-update ang citation ng California Public Records Act).
V5.0	Binago at na-update	Natapos noong Hulyo 2023 (Na-update upang karagdagang ipaliwanag ang mga kumbensiyon sa pagpapangalan ng sub-domain, at upang linawin ang saklaw at pagiging angkop ng pangongolekta at paggamit ng datos sa mga website ng County para sa iba’t ibang departamento).
V6.0	Binago at na-update	Natapos noong Pebrero 2024 (Na-update upang karagdagang ipaliwanag ang lawak at pagiging angkop ng pangongolekta at paggamit ng datos sa mga website ng County para sa iba’t ibang departamento)

6. Makipag-ugnayan Sa Amin

Mga Pangunahing Punto: Malugod naming tinatanggap ang iyong mga katanungan at feedback.

Malugod naming tinatanggap ang anumang mga katanungan o feedback na mayroon ka tungkol sa Patakaran na ito. Mangyaring huwag mag-atubili na makipag-ugnayan sa aming Privacy Office sa: [email protected].